Covid-19 - tilkynning frá þjónustumiðstöð
16.10.2020
Þrátt fyrir alvarleika fréttarinnar þá ákváðum við að bregða á leik og hér sýnir Katrín Ösp, ráðgjafi og hjúkrunarfræðingur, hve rúmgott viðtalsherbergið okkar er. Auðvelt er að halda fjarlægð í viðtölum og lögð er áhersla á grímunotkun, handþvott og sprittnotkun.
Kæru vinir, nú þegar covid-smitum hefur fjölgað hér fyrir norðan höfum við ákveðið að skerpa á sóttvörnum hjá félaginu. Við biðlum til þeirra sem leita til félagsins að nýta tölvupóst eða síma til þess að bera upp erindi sitt og hafa eftirfarandi í huga við komu í þjónustumiðstöðina:
- Finnir þú fyrir kvefeinkennum eða slappleika, ert í sóttkví eða einhver í kringum þig, biðjum við þig um að vera heima og heyra í okkur símleiðis eða í gegnum tölvupóst.
- Við óskum eftir því að allir sótthreinsi hendur við komuna til okkar, sprittstandur er á veggnum á vinstri hönd þegar komið er inn.
- Við biðjum alla gesti að bera grímu við komuna til okkar.
- Við biðjum alla þá sem ekki eiga bókaðan tíma að gera boð á undan sér símleiðis.
Áfram verður hlé á hópastarfi, en einstaklingar geta leitað til félagsins eftir ráðgjöf og stuðning:
- Ráðgjafi er ávallt með grímu í viðtölum
- Starfsmenn spritta og loftræsta viðtalsherbergi á milli viðtala
- Viðtalsrými er rúmgott og því auðvelt að halda fjarlægð
- Við bjóðum nú einnig upp á fjarviðtöl í gegnum viðurkennt og einfalt kerfi (Kara Connect) og mælum með að fólk nýti sér þennan möguleika eins og staðan er í dag. Þú færð sendan hlekk í tölvupósti og við það að smella á hann hefst viðtalið við þinn ráðgjafa í mynd. Það eina sem þarf er að finna sér þægilegan stað með tölvu sem hefur myndavél og hljóðnema. Ef þessi leið hentar ekki er líka alltaf hægt að eiga samtal símleiðis.
- Með tilkomu Kara Connect getur hver sem er óskað eftir viðtali óháð búsetu
Endilega hafið samand í síma 461-1470 eða í gegnum netfangið kaon@krabb.is - opnunartími þjónustumiðstöðvarinnar er mánudaga - fimmtudaga kl. 10:00-16:00.
Með bestu kveðju, starfsfólk Krabbameinsfélags Akureyrar og nágrennis.