Fræðsla og námskeið á næstunni

10.10.2022

Frekari upplýsingar eru í síma 461-1470

Súpukvöld fyrir heilbrigðisstarfsfólk

Fimmtudaginn 13. október ætlar Krabbameinsfélag Akureyrar og NorðanKraftur að bjóða heilbrigðisstarfsfólki á kynningarkvöld. Starfsemi félaganna verður kynnt og boðið verður upp á súpu og brauð.
Hvenær: 13. október kl: 18-20
Hvar: Garún í Menningarhúsinu Hof
Veitingar: Grænmetissúpa/Gúllassúpa og brauð
Skráning: Til þess að áætla fjölda þarf að skrá sig á viðburðinn sem er gert hér. Hægt er að skrá sig til hádegis á miðvikudag.

Heimsókn frá Eirberg

Miðvikudaginn 19. október frá klukkan 13:00-16:00 verður Eirberg hjá okkur með fræðslu og vörukynningu.
Hentar þeim konum sem hafa farið í fleygskurð eða brjóstnám og vantar ráðleggingar um gervibrjóst, brjóstahaldara og ermar til að meðhöndla sogæðabjúg.

Fyrirlestur um síðbúnar afleiðingar krabbameinslyfjameðferðar

Miðvikudaginn 19. október kl. 20:00 verður fyrirlestur frá Dórótheu Jónsdóttir um síðbúnar afleiðingar krabbameinslyfjameðferðar.
Við biðjum fólk um að skrá sig á fyrirlesturinn með því að hringja í síma 461-1470 eða með því að senda póst á kaon@krabb.is.

Para- og kynlífsráðgjöf

Fimmtudaginn 3. nóvember er opið fyrir tímabókanir hjá Áslaugu Kristjánsdóttur, hjúkrunar- og kynfræðing. Ráðgjöfin er ætluð þeim sem greinst hafa með krabbamein og/eða aðstandendum þeirra. Jafnt pör sem einstaklingar geta nýtt sér ráðgjöfina. Tilgangurinn er að vinna að bættu kynheilbrigði og að takast á við breytingar í kjölfar veikinda.

Mannamál - Karlar og krabbamein

Námskeið fyrir karla sem eru með krabbamein eða hafa nýlokið krabbameinsmeðferð.
Námskeiðið hefst 2. nóvember og er vikulega í þrjú skipti á miðvikudögum kl.13:00 – 15:15.
Námskeiðin eru vettvangur til að hitta jafningja og fá fræðslu. Málefni sem verður farið yfir er t.d. líf í kjölfar krabbameins, mikilvægi hreyfingar, næringar og andlegrar vellíðunar.
Umsjón: Jenný Valdimarsdóttir hjúkrunarfræðingur ásamt fleiri leiðbeinendum.
Þátttaka: Það er ekkert þátttökugjald en skráning nauðsynleg.
Skráning: Hringja í síma 461-1470 eða senda tölvupóst á kaon@krabb.is.

Námskeið fyrir konur með krabbamein

Námskeið fyrir konur sem eru með krabbamein eða hafa nýlokið krabbameinsmeðferð.
Námskeiðið hefst 10. nóvember og er vikulega í þrjú skipti á fimmtudögum kl.13:00 – 15:15.
Námskeiðin eru vettvangur til að hitta jafningja og fá fræðslu. Málefni sem verður farið yfir er t.d. líf í kjölfar krabbameins, mikilvægi hreyfingar, næringar og andlegrar vellíðunar.
Umsjón: Jenný Valdimarsdóttir hjúkrunarfræðingur ásamt fleiri leiðbeinendum.
Þátttaka: Það er ekkert þátttökugjald en skráning nauðsynleg.
Skráning: Hringja í síma 461-1470 eða senda tölvupóst á kaon@krabb.is.

Námskeið: Bjargráð við kvíða

Námskeið fyrir einstaklinga sem greinst hafa með krabbamein og aðstandendur þeirra.
Námskeiðið er 16. nóvember klukkan 16-19.
Á námskeiðinu er lögð áhersla á hvernig koma megi auga á streituviðbrögð og langvarandi kvíða. Auk þess verður farið yfir nokkur hagnýt bjargráð til að takast á við kvíða og streitu í daglegu lífi.
Umsjón: Þorri Snæbjörnsson, sálfræðingur.
Þátttaka: Það er ekkert þátttökugjald en skráning nauðsynleg.
Skráning: Hringja í síma 461-1470 eða senda tölvupóst á kaon@krabb.is.

Aðstandendafræðsla

Námskeið: Gott útlit - betri líðan

Snyrtinámskeið ætlað konum sem eru í krabbameinsmeðferð eða hafa nýlega lokið henni.
Námskeiðið er eitt skipti og haldin verða tvö námskeið þann 30 nóvember. Fyrri hópur 10-12 og seinni hópur 13-15.
Kristjana Rúnarsdóttir sérfræðingur frá Lancome leiðbeinir um förðun, umhirðu húðar og fleira.
Skráning í síma 461-1470 eða með því að senda á netfangið kaon@krabb.is. Gefa þarf upp fullt nafn, kennitölu og símanúmer.
Ekkert þátttökugjald.